Ota Rang Minang-'Wang Pangicuah'

Wang Pangicuah-1

Pado maso tangah hari, banamo surang laki-laki Dawang, nan sadang mamakai baju rancak, lah cocok dari dasi, kemeja, sarawa sampai kasapatu, lah mirip jo direktur baru.

Similah: Uda, kapai kama uda, gagah bana uda kini mah, tasirok darah denai mamandangnyo.
Dawang: Ondeh Milah, uda dari dulu kan alah gagah juo. kini uda  kapai mangunjungi kawan lamo uda di Batusangka ka tampek Sipalo.

Similah rusuah dalam hatinyo, dek udanyo kapai bajalan jauah. Inyo nan sadang hamil pulo.

Dawang: Oi Milah, indak usah barusuah hati, jan cameh bana, indak elok mode itu doh.

sudahtu indak ado kato nan disabuik dek Similah lai. Dawang bajalan kalua rumah, diengkol onda gadangnyo, onda nan diangekan satiok pagi dipupuah kancang manuju Batusangka.

Basambuang.........

Kudo banamo si Katani,
Dipauik di dalam hutan;
Tasirok darah mamandangi,
Mancaliak uda ka bajalan.

Ka ayia ka pasia lawik,
Baru tibo kami lah mandi;
Apo gunonyo ka disabuik,
Itu timbangan angku sandiri.