Bagurau

Jikok dipikia di kana kana
Dibaco sifat manusia
Tantu ndak ado nan sempurna
Tapi Tuhan mambari baka
Dengan babagai ilmu dan aka
Hanyo kito acok alpa
Banyak lupo pado takana
Karano di hati nan sakapa
Syetan mambuek singasana
Bakarajo mo jo si hawa
Iko nan marajalela
Mambuek musibah dan bencana
Sajak dari kampuang jo desa
Sampai ka Nagari jo Negara
kito lah lupo jo Nan Esa
Ndak lai pandai bado’a
Hiduik lah takaja kaja
Dikaja harta dan tahta
Dikaja tamak loba
Dikaja ria dan riba
Kadang sampai lupo jo nyawa
Lupo adab jo etika
Dima duduak disinan manggata
Indak piduli itu sia
Bak kacang miang tumbuah di paga
Mancari urang ka manyanda
Lah anampuluah sambilan tahun kito merdeka
Apa hendak di kata
Samakin dakek jo derita
Samakin akrab jo sengsara
Harago tinggi sagalo maha
Pado mambali banyak tajua
Pado tabao banyak nan tingga
Akhianyo banyak ngango jo nganga
Hahahaha...